Durant inayawan ang $31.5M alok ng Warriors
OAKLAND, California — Tila gustong subukan ni Kevin Durant ang free agency market.
Tinanggihan ng Warriors superstar ang kanyang player option na nagkakahalaga ng $31.5 milyon para maging isang unrestricted free agent.
Ipinaalam ni Durant, sa pamamagitan ng kanyang business manager na si Rich Kleiman, ang kanyang desisyon kay Golden State boss Bob Myers.
Sa kabila nito ay bukas pa rin si Durant na muling maglaro para sa Warriors bagama’t handa siyang kunin ng New York Knicks, Brooklyn Nets at Los Angeles Clippers.
Nagrerekober ang 30-anyos na si Durant mula sa torn Achilles injury na nangyari sa NBA Finals laban sa Toronto Raptors.
Maaari siyang pumirma ng isang five-year contract at tumanggap ng mas malaking suweldo kung mananatili siya sa Golden State imbes na lumipat sa ibang koponan na mag-aalok lamang sa kanya ng four-year deal.
Samantala, tinanggap ni veteran center Marc Gasol ang one-year player option para muling maglaro para sa Raptors sa susunod na season.
Ang nasabing kontrata ay nagkakahalaga ng $25.6 milyon para sa final year na pinirmahan noong Pebrero.
- Latest