Romasanta kinikilala si Cayetano sa ad hoc

MANILA, Philippines — Ipinahayag ng Philippine Olympic Committee kaha­pon na kinikilala nila si Taguig Congressman-elect Alan Peter Cayetano bilang chairman ng ad hoc committee para sa hosting ng bansa sa 30th Southeast Asian Games sa Nobyembre 30 hanggang sa Disyembre 11.

Sinabi ni POC president Joey Romasanta na si Ca­­yetano pa rin ang mamumuno sa Philippine SEA Games Organizing Committee (Phisgoc) bunga ng kan­yang appointment mula kay dating POC chief Jose ‘Peping’ Cojuangco, Jr. noong 2017.

Muli namang iginiit ni Romasanta na ang Phisgoc na nasa ilalim ng POC rules and regulation ang kanilang kinikilala at hindi ang Philippine Southeast Asian Games Organizing Committee (Phisgoc) Foundation, Inc. na rehistrado sa Security and Exchange Commission (SEC).

Kabilang sa mga incor­porators ng Phisgoc Foundation ay sina Ramon Su­za­­ra, Donaldo Caringal, Dex­ter Estacio, Monica Anne Mitra, dating POC pre­­sident Ricky Vargas, POC secretary general Pa­trick Gregorio, POC communications director Ed Picson at dating POC chairman Tom Carrasco.

Hindi kasama sa mga in­corporators ng Phisgoc Foundation si Cayetano, ngu­nit sa press confe­rence noong Huwebes ay dinepensahan nito ang pag­re­histro sa SEC bilang isang foundation para mag­ka­­roon ng legal entity at pu­­wedeng tumanggap ng pondo mula sa gobiyer­no.

Inakusahan ni Roma­san­ta ang Phisgoc Foundation na gumagawa ng mga desis­yon na walang approval sa POC.