Gasol, NBA stars sangkaon sa Gilas
CEBU, Philippines — Sa dili pa nila atubangon ang dakong entablado sa World Cup, atubangon una sa Gilas Pilipinas ang powerhouse international team Spain nga bitoonan og lima ka mga dekalibreng magduduwa sa NBA sa tune-up game sa Agosto 4.
Si Gilas coach Yeng Guiao miingon nga human sa Spain, molahos dayon sila sa China alang sa World Cup diin sangkaon nila sa preliminaries ang Italy, Angola ug Serbia.
Miangkon si Guiao nga dili na siya maglaum nga modaog batok Spain ilabi na nga usa kini sa mga gitan-aw nga lig-ong contender nga mopalagpot sa Team USA.
Hinuon, ang multi-titled coach gusto nga maningkamot ang iyang mga batos sa maong tune-up game aron makakuha sila og kompiyansa atol sa World Cup.
Nakakumbinsir ni Guiao nga dili na molaum og daog batok sa Spain mao ang pagduwa sa mga NBA stars lakip na ang bag-o lang mikampiyon nga sila si Toronto Raptors center Marc Gasol ug Serge Ibaka.
Moduwa uban ni Gasol mao ang iyang igsuon nga si Pau Gasol ug Nikola Mirotic sa Milwaukee Bucks ug Ricky Rubio sa Utah Jazz. (BANAT NEWS)
- Latest