Import sa TNT misaad og daog batok Phoenix
CEBU, Philippines — Nanganti si TNT KaTropa import Terrence Jones nga iyang pahimungtan ang Phoenix Fuel Masters sa ilang duwa sa PBA Commissioner's Cup karong gabii didto sa Ynares Center.
Ang TNT ug Phoenix magsangka sa alas-6:45 sa gabii human sa duwa tali sa Blackwater Elite ug Rain or Shine Elasto Painters nga sugdan sa alas-4:30 sa hapon.
Si Jones, ang giisip nga labing sikat nga import sa PBA Commissioner's Cup gusto nga papason sa huna-huna sa mga fans ang ubos kaayo niyang performance diin miiskor lang siya og 17 puntos.
Miiskor unta siya og kapin 40 puntos sa unang duha niya ka duwa sa TNT, apan namugnaw siya hinungdan sa ilang 86-110 nga kapildihan ngadto sa NorthPort Batang Pier niadtong Miyerkules.
Ang 6-foot-9 nga si Jones gusto mamawi ilabi na nga ikabangga niya ang kanhi best import sa PBA nga si Rob Dozier Jr. nga mirehistro og double-double uban 18 puntos ug 17 ka rebounds sa una niyang duwa niadtong Biyernes.
Gawas sa mga imports, atngan sab ang panagbangga sa mga shooters nga sila si Jayson Castro, RR Pogoy ug Troy Rosario sa TNT batok nila ni Matthew Wright, RJ Jazul ug Alex Mallari sa Phoenix.
- Latest