Bradley pabor ni Thurman modaog batok Pacquiao

CEBU, Philippines — Dako ang pagtuo ni kahi world-champion Timothy Bradley nga mapilde ni Keith Thurman si Manny Pacquiao sa ila unyang WBA welterweight unification bout karong Hulyo 20 (Hulyo 21 sa Pilipinas) didto sa MGM Grand sa Las Vegas, Nevada.

Nakita ni Bradley nga mas gutom si Thurman sa daog ug maningkamot kini aron iyang mapilde si   Pacquiao.

Si Bradley nga napilde   ni Pacquiao, miingon nga sa edad nga 40-anyos, napakita gihapon ni Pacquiao iyang kusog ug kapaspas, apan dili matago nga naibanan na kini.

Nagtuo ang retiradong  American boxer nga modaog si Thurman tungod kay mas bata kini og 10 ka tuig. Wala pa  sab kini pilde sa iyang 29 ka away.