30th Manila SEA Games tuloy
MANILA, Philippines — Tuloy ang 30th Southeast Asian Games sa Pilipinas na gaganapin sa Nobyembre 30 hanggang Disyembre 11.
Ito ang siniguro ni Philippine Southeast Asian Games Organizing Committee (PHISGOC) chairman Alan Peter Cayetano sa kabila ng problemang hinaharap ng organisasyon partikular na sa pondo.
Ayon pa kay Cayetano, nananatili ang suporta ni Pangulong Rodrigo Duterte upang maging matagumpay ang pagtatanghal ng SEA Games sa bansa.
“We at the PHISGOC would like to assure our athletes, the sports community, President Rodrigo Roa Duterte and the rest of the Filipino people that all preparations for the 30th South East Asian games are in full swing,” ani Cayetano.
Ipinagmalaki ni Cayetano na makukumpleto na ang New Clark City Sports Complex – ang venue ng ilang importanteng events gaya ng centerpiece athletics at swimming – na nakatakdang buksan sa Setyembre.
Aminado si Cayetano na malaking problemang kinakaharap ng organizing committee ang pondong gagamitin sa biennial games. Ngunit tiwala ito na maaayos ang lahat sa tulong ng iba’t ibang sector ng gobyerno.
“Budget is clearly a challenge. We continue to work with legislative and administrative branches of government. There is no stopping the Philippines from hosting the 30th SEA games,” ani Cayetano.
May ilan aniya na gustong isabotahe ang preparasyon ng bansa sa SEA Games ngunit handa ang PHISGOC na harapin ito para maiwas ang Pilipinas sa kahihiyan.
- Latest
