SMB gisaaran ni Tubid

CEBU, Philippines — Misaad si veteran Ronald Tubid nga modoble sa iyang paningkamot aron matabangan ang San Miguel Beermen nga makakuha og kampiyonato sa sunod season sa PBA.

Way kabutangan ang kalipay ni Tubid human siya makabalik sa Beermen human siya gi-trade sa Columbian Dyip ilis ni Keith Agovida.

Ang nine-time All-Star nga si Tubid karaang player sa Beermen, apan miistar siya og usa ka season uban sa Columbian Dyip human siya malakip sa trade kaniadto diin napunta sa SMB ang No.1 pick sa Columbian nga mao si Christian Standhardinger.

Si Beermen coach Leo Austria naghinam-hinam na usab sa pagbalik ni Tubid kinsa usa ka kasaligan nga defender ug reserve player.