Dobleng korona tirada sa USPF Spikers sa CESAFI volleyball
CEBU, Philippines — Naglaraw ang University of Southern Philippines Foundation (USPF) spikers nga mohakot og dobleng kampiyonato batok sa tagsa-tagsang karibal sa Game 2 sa 'best-of-three' secondary volleyball finals sa 18th Cebu Schools Athletic Foundation, Inc. (CESAFI) season karong adlawa diha sa USPF gymnasium sa Barangay Lahug, Dakbayan sa Sugbo.
Sa girls division, ang USPF nagpanikad nang mosungkab sa titulo, samtang ang University of San Jose-Recoletos (USJ-R) mosuway og angkon og laing kinabuhi sa ilang bugno sa alas-1:30 sa hapon.
Ubos sa paggiya ni coach Yolanda Rizzari, ang USPF miputol sa pito ka tuig nilang huwaw sa titulo sa secondary girls volleyball.
Tuyo nila karon nga madepensaan ang ilang trono nga taas kaayo ang ilang posibilidad nga makab-ot.
Sa boys finals nga gikatakda sa alas-3:30 sa hapon, suwayan sa USPF nga tiwasan ang defending champion University of San Carlos (USC) sa kaugalingon nilang serye.
- Latest
