E&F Surplus, J&J Surplus nagsawo sa liderato, 4Nichols farms mipupo'g daog
CEBU, Philippines – Midaog sa ikaduhang sunod-sunod nga higayon ang E&F Surplus ug J&J Surplus human makaipsot batok sa tagsa-tagsa nilang kaatbang sa 13th J&J Surplus Ballclub basketball tournament niadtong Huwebes didto sa GT Academy gym sa Tayud, Lilo-an.
Temporaryo karon nilang gisaw-an ang liderato human sa maong kadaogan bitbit ang 2-0 nga baraha.
Ang E&F Surplus ni league commissioner Fury Trazona nagsalig sa ilang makalilisang nga ataki sa fourth period aron pagpukan sa Villa Reyna ni Joel Camillo, 93-87, samtang ang J&J Surplus ni ballclub president Henry Agbon mibuntog sa Victorious Eagle ni Danrex Bayonla, 73-70.
Ang duo nilang Tingan Gestopa ug Trazona maoy dakong papel sa kadaogan sa E&F Surplus diin nagkumboya sila og 54 puntos, samtang si Tata Betinol miamot og 14 puntos.
Upat unta ka player sa Villa Reyna ang miiskor og double figures, apan kulang sila og suporta gikan sa kaubanan hinungdan sa ilang kapildihan.
Sa laing aksiyon, ang defending champion 4Nichols Farm nakabangon dayon human masugamak sa una nilang duwa dihang ilang gilubong ang Pilapilan, 108-93.
Si William Alegado maoy nangulo sa unom ka 4Nichols Farm players nga miiskor og double figures pinaagi sa iyang 23 puntos.
Ang Pilapilan gipangulohan sab ni S. Cabayo nga mikabkab og 22 puntos.
Ang liga gipadagan ni commissioner Fury Trazona sa abag nilang Chang Tejero, Marcos Bardon ug Choy Pilapil.
PUNTOS MATAG USA
Unang duwa:
E&F Surplus (93) – Gestopa 35, Trazona 19, Betinol 14, Igoy 7, Judaya 6, Ursal 4, K. Sabang 2, A. Pepito 2, A. Sabang 2, Ponce 2.
VILLA Reyna (87) – Abenasa 24, Arnosa 18, Desamparado 17, Radoc 14, M. Yurag 6, Dumon 4, Arnado 4.
Ikaduhang duwa:
J&J Surplus (73) – Cabahug 15, Herra 12, Dela Rama 10, Oroyan 9, Tiwan 9, H. Agbon 4, L. Agbon 4, Adulfo 3, Yuson 2, Astillero 2.
VICTORIOUS (70) – R. Lascuna 15, Sasing 13, Jalang 12, Bayonla 7, Mahinay 6, Badajos 4, Molo 3, Calipes 2, B. Lascuna 2, J. Jalang 2, Cobong 2, Patalot 2.
Ikatulong duwa:
4NICHOLS (108) – Alegado 23, Japos 17, Apas 16, Berandal 12, Cañete 11, Cortes 11, Cabahug 7, J. Ponce 6, Monte 3, Pepito 2.
PILAPILAN (93) – S. Cabayo 22, Orque 16, J. Dayuja 11, J. Pilapil 10, R. Cortes 9, K. Caparroso 8, D. Caparroso 6, J. Cortes 4, Medalla 3, R. Bihag 2, M.L. Caparroso 2.
- Latest
