‘Pag nakasilip ng knockout, pakakawalan ko na—Pacman
MANILA, Philippines — Hindi rin isinantabi ni boxing Icon Manny Pacquiao ang panalo via knockout sa 12-round na labanan nila ni Lucas Matthysse para sa World Boxing Association (WBA) welterwieght title bout sa Axiata Arena sa Kuala Lumpur, Malaysia ngayon.
Ayon kay Pacquiao, kung may tsansa hindi niya palalampasin ang pagkakataon na manalo ng knockout na matagal na rin niyang hinihintay.
“Our plan is to move side-to-side and throw a lot of punches,” pahayag ni Pacquiao sa mga Filipino reporters sa dining hall kung saan kumain siya ng kanyang mga paboritong pagkain pagkatapos ng weigh-in ceremony.
Ayon pa kay Pacquiao, gagamitin niya ang magka-halong kilos na may kasamang mabigat na suntok para makontrol niya ang reigning WBA champion na si Matthysse.
Kasama ang mga kilalang politiko sa hapag kainan, kumain si Pacquiao ng kanyang paboritong beef marrow soup, t-bone steak at iba pang Filipino dishes.
“If we have a chance to finish the fight early, we’ll grab that opportunity,” ayon pa kay Pacquiao na huling nanalo via knockout sa laban nila ni Miguel Cotto sa 12th round noong 2009.
Hindi rin nangyari ang KO win sa laban nila ni Jeff Horn sa Brisbane, Australia noong Hulyo ng nakaraang taon kung saan nagwagi ang Australyano via unanimous decision.
“Ganadong, ganado ako ngayon. ‘Yung takot, wala na ‘yan sa akin (Fear is no longer a factor for me),” aniya.
- Latest
