Playoffs sakmiton sa beermen
CEBU, Philippines – Kompiyansa si San Miguel Beermen coach Leo Austria nga maselyado nila ang playoffs berth karon ilabi na nga mobalik og duwa ang Fil-German rookie nga si Christian Standhardinger.
Ang San Miguel makigsangka sa NLEX Road Warriors karong alas-5 sa hapon didto sa Pangasinan.
Ang Beermen anaa sa ikalimang dapit sa ilang 4-4 win-loss record ug kun modaog, dili na sila mabutang sa lisud nga sitwasyon bisan pa og mapilde sila sa nahibiling duha nila ka duwa.
Buot sa Beermen gusto nga tiwasan ang NLEX nga wala na'y tsansa sa playoffs sa record nga 2-7. Dili maayo ang kampanya sa Road Warriors sa PBA Commissioner's Cup tungod sa pagka-injured nila ni Larry Fonacier ug Kevin Alas, samtang ang ilang star rookie nga si Kiefer Ravena nagserbisyo pa usab og suspensiyon.
- Latest
