CESAFI volleyball title langkaton
CEBU, Philippines - Upat ka koponan ang mag-ilog sa duha ka titulo sa juniors division sa 2016 Cebu Schools Athletic Foundation Inc., volleyball tournament karong adlawa diha sa University of San Carlos main gym.
Ang University of Southern Philippines Foundation boys squad mirehistro og 25-18, 31-29, 25-18 sa Game 2 batok sa USC aron pagpuwersa sa usa ka do-or-die Game 3 karong adlawa.
Pakyas ang USC pagtapos sa USPF kagahapon human kay wala sila kapanagang sa hait nga mga ataki nilang Edmar Malata ug John Lloyd Borces.
Samtang sa girls division, ang University of San Jose-Recoletos tuyo nga mokompleto og come-from-behind nga kadaugan sa kaugalingon nilang best-of-three finals series batok sa Sacred Heart School-Ateneo de Cebu karong adlawa sa Game 3.
Human mapilde sa Game 1, ang USJ-R Lady Spikers mibanat kagahapon diin miposte sila og usa ka dominanteng 25-19, 25-18, 30-28 nga kadaugan sa usa ka three-setter. (FREEMAN)
- Latest