Angel Mary napilde, apan pabiling no. 1

CEBU, Philippines - Gipilde sa Help Group Foundation ang Angel Mary Pawnshop,  98-96  pagtapos sa elimination round sa 8th F.Llamas Youth Association (FYA) basketball tournament niadtong Sabado didto sa sitio Manggahan open court sa barangay Punta Princesa.

Bisan pa sa maong kapildihan,  ang Angel Mary Pawnshop mao gihapon nag-una sa standing bitbit  ang 8-2 nga baraha. 

Si McLain Alkuino maoy nangu sa Angel Mary Pawnshop sa iyang 19 puntos, gisundan ni Jim Rana nga adunay 16 puntos.

Ang natagak nga Help Group Foundation gipangulohan sab ni Dondon Cadungog, kinsa mibahog og 24 puntos, si Toper Marata miposa og 16 puntos ug  si Archie Rupal midugang og 12 puntos. 

Sa laing duwa, ang D&L  Tailoring midaog batok sa  Car Door & Aircon, 120-115 sa pagpangulo ni Dandan Enriquez sa iyang 20 puntos. Laing unom niya ka teammates ang miiskor sab og double figures.

Sila si Lito Mirasol ug Tatay Trinidad maoy nangu sa Car Door & Aircon  nga nagkumboya’g 49 puntos.

Puntos matag usa 

Unang duwa:

Help Group Found. (98) – Cadungog 24, Marata 16, Rupal 12, Dacayana 10, Ursal 10, Arreglo 8, Samson. 

Angel Mary Pawnshop (96) –  Alkuino 19, Rara 16, Ramirez 13, Villaver 13, Encarguez 8, Abella 7, Tabas 6, Regudo 5, Cadungog 2.

Ikaduhang duwa:

D&L Tailoring (120) –            Enriquez 20, Trangia 17, Lastomen 16, Malicay 14, Caballero 11, Encarguez 11, Sarsaba 11, Parba 8, Bandiala 3, Martinez 3, Daclan 2, Barro 2.

Car Door & Aircon (115) –  Mirasol 26, Trinidad 23, Lavandero 20, Patalita 17, B. Medalle 11, Noquillo 10, Duran 8. (BANAT NEWS)