P.5M nga ganti sa SM 2 SM Run

CEBU, Philippines - Mas daku nga  ganting salapi nga miabot sa tunga sa milyon ka pisos ang iapud-apod ngadto sa mga mananaog sa 2016  edition sa SM 2 SM Run nga gikatakda karong Pebrero 21.

Mga kategoriya sa maong lumba naglangkob sa 3K, 6K, 12K ug 21K. Dunay managlahi

nga dibisyon sa mga Pinoy ug langyaw nga mga entrante.

Ang makampiyon sa all-Filipino men ug women’s half marathon maoy motukob sa

labing daku nga premyo nga P60,000 matag usa. Ang mopahiluna sa ikaduha ug ikatulo mobulsa og

P40,000 ug P25,000, samtang ang malandig sa Top 10 makadawat og P3,000 matag usa.

Ang Top 3 sa 12K moangkon og P20,000, P10,000 ug P7,000, samtang ang motapos sa

ikaupat hangtod sa ika-10 nga puwesto modawat og P2,000 kada usa.

Sa 21K alang sa mga langyaw nga mga runners  P15,000, P10,000 ug 7,000 ang

gitagana sa top three, samtang    P10,000, P7,000 ug P5,000 ang madawat sa labing paspas sa

12K.

Sa 6K, ang top three mobitbit og P10,000, P7,000 ug P5,000, samtang sa 3K ang nag-

unang tulo makadawat og P5,000, P3,000 ug P2,000.

Ang entry fee nagkantidad og  P450 sa 3K ug  6K, P650 sa 12K ug P800 sa 21K.

Dunay diskuwento nga P100 kadtong dunay kakulian sa panglawas ug mga estudyante. Kadtong

gusto mosalmot, mahimong magparehistro  sa   SM City-Cebu Northwing Atrium  duol sa Uniqlo

ug sa    Sports  Avenue sa upper ground floor.  (BANAT NEWS)