Pacquiao, Mahindra knockout sa Alaska

Laro Ngayon (Philsports Arena Pasig City)

3 p.m. Globalport vs Barako Bull

5:15 p.m. Star vs NLEX

MANILA, Philippines – Nakasama si playing coach Manny Pacquiao sa starting five ng Mahindra at naglista ng 0-of-4 fieldgoal shooting sa loob ng 6:55 mi­nuto.

At hindi ito naging moti­basyon ng Enforcers na nagresulta sa 98-94 panalo ng Alaska Aces sa 2015 PBA Philippine Cup noong Sabado ng gabi sa Al Wasl Sports Club sa Dubai, Uni­ted Arab Emirates.

Sumosyo ang Alaska sa Rain or Shine sa liderato sa magkatulad nilang 3-0 baraha kasunod ang NLEX (2-0), nagdedepensang San Miguel (2-1), Barako Bull (1-1), Globalport (1-1), Talk ‘N Text (1-1), Star (1-2), Blackwater (1-2), Meralco (0-2), Barangay Ginebra (0-2) at Mahindra (0-3).

Umasa ang Aces kina JVee Casio, Vic Manuel at Calvin Abueva matapos makatabla ang Enforcers sa 87-87 sa huling 1:27 mi­nuto ng fourth period.

Pinamunuan ni Manuel ang Alaska sa kanyang 17 points at humakot si Abu­eva ng 15 markers at 13 rebounds.

Lumamang ang Aces ng 15 puntos sa first half ba­go nakatabla ang Enfor­cers sa 87-87.

Kasalukuyan pang ni­lalabanan ng Alaska ang Ba­rangay Ginebra habang isinusulat ito.

Samantala, nakatakdang sagupain ng NLEX ang Star nga­yong alas-5:15 ng hapon matapos ang sal­pukan ng Barako Bull at Globalport sa alas-3 sa Philsports Arena sa Pasig City.

Alaska 98 – Manuel 17, Abueva 15, Casio 12, Baguio 8, Thoss 7, De­la Rosa 7, Menk 7, De­la Cruz 6, Hontiveros 6, Jazul 5, Banchero 4, Ma­gat 4, Baclao 0, Excimi­niano 0.

Mahindra 94 – Revilla 19, Yee 17, Canaleta 12, Ramos 12, Bagatsing 8, Guinto 6, Pinto 5, Paredes 5, Laure 4, Hubalde 4, Webb 2, Pacquiao 0, Ba­loria 0, Alvarez 0.

Quarterscores: 31-22; 53-40; 70-66; 98-94.