Wemby, Spurs pinadapa Flagg-less Mavericks

DALLAS - Humakot si Victor Wembanyama ng 23 points, pitong rebounds at apat na blocks, habang may 22 markers si Fil-Am Dylan Harper sa 122-106 paggupo ng San Antonio Spurs sa Mavericks.

Nagdagdag sina De’Aaron Fox at Stephon Castle ng tig-19 points sa pag-iwas ng San An­tonio na mahulog sa isang 0-3 start simula noong 2008-09 season.

Natalo sila sa Oklaho­ma City Thunder noong Mar­tes at sa Houston Rockets noong Biyernes.

Umiskor si Rookie Sergio de Larrea ng 21 points mula sa bench para sa Dallas (1-2) kasunod ang 12 markers ni P.J. Wa­shing­ton.

Naglaro ang Mave­ricks na wala sina marquee players Cooper Flagg at Kyrie Irving.

Nagkaroon si Flagg, ang 2025 Rookie of the Year, ng isang shoulder in­jury sa kanilang naka­raang panalo kontra sa In­diana Pacers noong Bi­­yernes.

Kababalik lang naman ni Irving sa season matapos mawala ng 19 siyam na buwan dahil sa torn ACL.

Sinayang ng Spurs ang hawak na 14-point lead sa third quarter, ngu­nit naghulog ng isang 17-5 bomba sa pagsisimula ng final period para muling ma­kalayo.

Kumolerkta ang San An­tonio ng 15 offensive re­­bounds sa pangunguna ni Wembanyama.

Sa iba pang laro, pa­na­­lo ang Charlotte Hornets sa Miami Heat, 115-110; wagi ang Cleveland Ca­valiers sa Brooklyn Nets, 125-121; tinalo ng Phi­ladelphia 76ers ang Milwaukee Bucks, 127-116; dinaig ng Washington Wizards ang Chicago Bulls, 124-120; pinapak ng Houston Rockets ang Atlanta Hawks, 121-114; pi­natumba ng Denver Nuggets ang New Orleans Pe­licans sa overtime, 141-135; at binigo ng Phoenix Suns ang Golden State War­riors, 131-122.