Ginebra nakahig sa krusyal nga duwa

CEBU, Philippines - Nalambigit na usab og laing krusyal nga duwa ang Barangay Ginebra San Miguel ug kinahanglang modaog aron masulod sa Top 4 sa playoffs sa PBA Governor's Cup didto sa Smart Araneta Coliseum.

Hinuon dili sayon ang ilang sagubangon tungod kay sangkaon nila ang top seeded nga Talk 'N Text Tropang Texters sa alas-5:15 sa hapon, human sa lahugay tali sa Alaska Aces ug Barako Bull Energy Cola sa alas-3 sa hapon.

Ang  Ginebranakig-sawo karon  sa standing uban sa Air21 Express ug San Mig Coffee Mixers sa managsama nilang 5-3 win-loss records.

Haruhay unta ang sitwasyon sa Ginebra kun midaog pa lang sila niadtong Biyernes, apan  gilubong sila sa Alaska sa iskor nga 66-79.  (BANAT NEWS)