Pacers isinalba sa pagkakasibak George pumutok sa game 5
INDIANAPOLIS--NaÂging desperado si Paul George para iligtas ang season ng Indiana Pacers.
Umiskor ang 24-anyos na All-Star ng 21 sa kanyang 37 points sa fourth quarter para tulungan ang Pacers sa 93-90 panalo laban sa Heat sa Game 5 at maiwasang masibak sa kanilang serye.
Nauna nang nagposte si George ng playoff career high na 39 points sa Game 4 kontra sa Washington Wizards sa nakaraan niÂlang serye at nabigong pantayan ang 41 markers ni Reggie Miller para sa franchise record ng Indiana sa isang playoff game.
Ang kabayanihan ni George ang naglapit sa Indiana sa 2-3 sa kanilang Eastern Conference Finals ng Miami.
Diniskaril din ng Pacers ang hangad na ikaapat na sunod na pagdakma ng Heat sa Eastern ConfeÂrence title.
Nakatakda ang Game 6 sa Biyernes sa Miami.
Tumipa si George ng 12-of-19 fieldgoal shooting sa second half at tumapos na may 6 rebounds at 6 steals at nagsalpak ng limang 3-poinÂters sa loob ng 45 minuto.
Nalimitahan naman si four-time MVP LeBron James sa playoff-low na 7 points, 2 rebounds at 4 assists sa loob ng 24 1/2 minuto bunga ng pagkakalagay niya sa foul trouble para sa Miami.
Napuwersa ang Heat sa 17 turnovers kumpara sa 13 ng Pacers, kumolekta ng 45-38 lamang sa rebound.
- Latest
