CAUP mopasiugda'g chess arbiters seminar dinhi sa Sugbu
CEBU, Philippines - Sa labing unang higayon, ang Chess Arbiters Union of the Philippines (CAUP) mopahigayon og Chess
Arbiters Seminar sa Hulyo 10-12 didto sa University of San Carlos (USC)-North Campus sa General Maxilom Avenue,
ning siyudad.
Ang CAUP usa ka pundok sa mga Pinoy chess players, kinsa nagkupot og mga titulo nga International
Arbiter, FIDE Arbiter, National Arbiter, Regional Arbiter ug Club Arbiter.
Giila ug aduna kini akredito sa National Chess Federation of the Philippines (NCFP) nga mo-officiate og mga
torneyo ug mopahigayon og arbitration seminars lukop nasud.
Ang grupo, kansang mga miyembro kadaghanan chess masters ug lig-ong chess players, mopahigayon sab og
special occasions, chess clinics alang sa beginners, intermediate ug advance young players nga buot pang mahimong
competitive ning nabantog nga European boardgame.
Ang CAUP maoy nagpasiugda og mga kalihukan nga nakapila uban sa DepEd Memorandum Circular nga
pinitsahan Enero 8, 2013 nga nagmando sa pag-apil sa chess isip usa ka elective subjects sa Edukasyon sa Pagpapalakas
ng Katawan aron pagtabang sa pagpalambo sa thinking skills ug values sa Grade 3-6 students ug sa Physical Education
classes sa high school.
Gumikan niini, si CAUP secretary-general Hermilo S. Samaniego miawhag sa tanang tunghaan dinhi sa Sugbu
sa pagpadala og mga partisipante ning tulo ka adlaw nga kalihukan. Dili lang kini alang sa mga pampubliko ug mga
pribadong mga magtutudlo, apan lakip usab sa mga professionals, chess coaches ug players.
Ang mopahigayon sa seminar mao si International Arbiter Gene Poliarco ug uban pang mga iladong chess
personalities, kinsa motuki sa FIDE Laws of Chess, Regulations for Swiss System Tournaments, FIDE Rating System,
Manual Pairing System, ug uban pang mga butang sama sa tie-breaks, time controls ug norms.
Sa registration fee nga P2,000, ang mga partisipante makadawat na og libreng handouts, certificates, snacks
ug seminar ID.
Limitado lang ang numero sa partisipante ngadto sa 40 pinaagi sa first-come, first-served basis.
Alang sa registration ug dugang mga kasayoran, kontaka lang si FIDE Arbiter Felix Poloyapoy Jr. (0933-
6642958) ug NA Alexander Dinoy (0922-8288510) o mahimong mo-email [email protected]. (BANAT NEWS)
- Latest
