Mainit ang simula ni Serena sa Wimbledon
LONDON - Matapos ang pakikipagbangayan kay Maria Sharapova at ilang serye ng paumanhin mula sa isang magazine profile, bumalik sa kanyang porma si Serena Williams.
Sinimulan ni Williams ang kanyang kampanya para sa ikaanim na Wimbledon championship at ika-17 Grand Slam title overall matapos kunin ang 6-1, 6-3 panalo kontra kay 92nd-ranked Mandy Minella ng Luxembourg.
Ito ang unang tagumÂpay ni Williams matapos angkinin ang French Open title noong Hunyo 8.
Ang highest-seeded player namang nasibak ay si No. 10 Maria Kirilenko, tinalo ni teenager Laura Robson, 6-3, 6-4.
Sa 10 local players na sumali sa torneo, tanging sina Robson at reigning US Open champion Andy Murray ang natira sa laban.
“It’s hard for all the British players to come in here and, you know, lose first round because you just feel extra disappointed,†wika ni Robson, binigo si Kim ClijsÂters sa 2012 U.S. Open.
Ang iba pang nagwagi ay sina No. 4 Agnieszka Radwanska, 2011 French Open champion Li Na at No. 7 Angelique Kerber, sinibak si Bethanie Mattek-Sands, 6-3, 6-4.
- Latest
