MJDL milubong sa Customs Portmen

CEBU, Philippines - Nagmangtas ang MJDL Brokers ug ilang gidabodabohan ang Customs Portmen, 103-82   sa  Cebu Customs Invitational basketball tournament niadtong Martes sa gabii didto sa Benedicto College gym sa  A.S. Fortuna St., Mandaue City.
Ang MJDL Brokers ni team owner Mike Logarta, gipangulohan ni Janus Abellana, kinsa miburak og 20 puntos, gisundan ni Baeng Medalle nga adunay 19 puntos.  Laing duha ka players sa MJDL nga silang Nico Laborte ug Daniel Enriquez ang miiskor  og 17 ug 15 puntos matag usa.

Ang MJDL temporaryo karong  nag-una sa standing bitbit ang 3-0 nga  baraha, samtang ang ilang biktima nga Customs Portmen adunay 2-1 win-loss record. Si Mark Tan miposa og 14 puntos aron pangulohan ang Customs Portmen, si Ronan Cañete mihakot og 12 puntos, samtang si Kenneth Kern Sesante miabuno og 10 puntos.

PUNTOS MATAG USA
 
 MJDL (103) - Abellana 20, B. Medalle 19, N. Laborte 17, Enriquez 15, Trinidad 8, Li 4, Arreglo 2, Elloren

2, T. Laborte 2, Aputa 1
 Customs Portmen (82) - Tan 14, Cañete 12, Sesante 10, Mose 9, Casilos 9, Laraga 7, Monteño 7, Manahan

5, Beting 5, Oyao 4