Pilipinas batok Thailand sa Davis Cup Group II tie
CEBU, Philippines - Nagpanikad na ang Philippine Team sa ilang pakigsakbang batok sa Thailand sa second round sa Davis Cup Asia/Oceania Group II tie karong Abril 5-7 didto sa Plantation Bay Resort and Spa sa dakbayan sa Lapu-Lapu.
Sa gihapon, ang Phl team bidahan sa beteranong si Johnny Arcilla, Francis Casey Alcantara ug Fil-American players nga sila si Treat Huey ug Ruben Gonzales.
Ang Pilipinas milampos sa katapusan nilang kampanya batok sa Syria, 3-2, niadtong Pebrero 2 didto gihapon sa Plantation Bay.
Ning higayona, ang Philippines tinguha nga mopukan sa Thailand aron hingpit moabante sa final round sa Group II batok sa New Zealand o Pakistan sa Septiyembre.
Kun modaog ang Pilipinas, mosaka sila sa Group 1, apan magpabilin sila sa Group 2 kun madisgrasya sila sa Thailand.
Sa ilang bahin, ang Thailand nga laraw mosakmit og daog atubangan sa mga Pinoy fans gilangkuban nila ni Danai Udomchoke, Nuttanon Kadchapanan, Pruchya Isarow ug Wishaya Trongcharoenchaikul.
- Latest
