CEBU, Philippines - Gisubhan dayon og daog ang defending champion Talisay City ug Carcar batok sa tagsa-tagsa nilang kaatbang sa opener sa 2012 Gullas Cup basketball tournament sa miaging gabii didto sa Talisay City Sports Complex.
Ang Talisay midemolis sa Minglanilla, 89-69, samtang ang Carcar milatos sa San Fernando, 85-78.
Naglabaw la'g singko puntos ang Talisay sa halftime, 38-33, apan kalit misilaob ang ilang opensa sa final period pinaagi sa 15-0 run.
Ang Talisay mirehistro sa labing daku nilang labaw sa iskor nga 79-58 sa nahabiling singko minutos sa duwa.
Nangulo sa Talisay mao si Joshua De la Cerna, kinsa mibahog og 24 puntos, si Christopher Obeso miiskor og 17 puntos ug si Giovanni Tabay miamot og 16 puntos.
Sa sayo pa, miagi una og lisud nga duwa ang Carcar batok sa San Fernando, apan milahutay kini human giluwas ni Sergio Gabinete, kinsa mipasulod og krusyal nga mga puntos sa final period aron makuha ang daog.
Puntos matag usa
Unang duwa:
Carcar (85) - Gabinete 23, Navarro 22, Abatayo 17, Macasero 16, Camingao 5, Laoc 2
San Fernando (78) - Ebardo 24, Ramo 15, Obaob 14, Barbe 12, Pasilan 8, Delos Santos 3, Caramonte 2
Ikaduhang duwa:
Talisay (89) - De la Cerna 24, C. Obeso 17, Tabay 16, Brigoli 13 Georsua 10, Del Rosario 3, Porosuelo 2, Gabaca 2, H. Obeso 2
Minglanilla (69) - Ferarren 25, Heruela 9, Calooy 8, Macasling 6, Vasquez 6, Borinaga 5, Tapanan 4, Bono 4, Del Socorro 2 (BANAT NEWS)