CEBU, Philippines - Mohimo og tune-up games ang mga opisyales ug miyembro sa Basketball Association of Ramos (BAR) ugma sa gabii didto sa bag-ong gi-renovate nga Benjamin Solon Memorial Gymnasium sa barangay Cogon Ramos, ning siyudad.
Agi kini'g pagpangandam alang sa B.A.R. 3rd Conference nga gikatakdang sugdan sa Oktubre 14 didto gihapon sa nahisgutang gymnasium.
Magtigi ugma mao ang R.A. Essential ni Rick Basteda batok sa Blessel ni konsehal Edgar Camota sa alas-6:30 sa gabii. Sundan kini sa duwa tali sa Dayon Enterprises ni Allan Abella ug VRJ T. Padilla ni Uncle Tambok sa alas-7:30 sa gabii.
Masentro sa kalihukan mao ang engkuwentro sa B.A.R. Selection diin magtigi ang New Members batok sa Old Members.
Niadtong gustong magpa-miyembro sa B.A.R., mahimong mobisita sa Benjamin Solon Memorial Gym sa matag adlaw'ng Lunes ug Huwebes sa alas-7 sa gabii. Pangitaa lang si Richard Regidor o di ba ni Lito Rubi . (BANATNEWS)