Lapu-Lapu Sports Club basketball tournament buksan na karon

CEBU, Philippines - Opisyal na nga buksan ang Lapu-Lapu Sports Club (LLSC) basketball tournament karong adlawa didto sa Crown Regency gym sa Lapu-Lapu City.

Dose ka koponan ang mag-ilog sa korona niining labing una nga torneyo sa LLSC nga gipaluyohan nilang Rolly dela Pieza ug Roilan Sumilang ubos sa pagdumala ni Billy Nadado.

Pangulohan kini sa Rollway Customs Brokerage, Rulls Home Bakeshop, ACP, Orya Farms/Comfa General Merchandise, AJY Bong, Verlex/Lapu-Lapu Electronics, RoRo Transports, Jhonmar/Lheo, Aries   Lending, VKK Divers, Rey's Videoke ug ang Ballaholic.

Karong ala-1 sa hapon, himuon ang parada sa mga partisipanteng koponan sa dili pa ang programa. Usa sa molamas sa kalihukan mao ang pagpili og best muse.

Sila si Alan Yu, Alan Sepe, Tito Francisco, Dodong Aparente, Lheo Almacin, Engr. Fernando Cinco sa Crown Regency ug Amay Palad maoy mobarog isip advisers sa bag-ong natukod nga Lapu-Lapu Sports Club. (BANATNEWS)