CEBU, Philippines - Si Steve Montenegro maoy nidaog isip open singles champion sa Cebu City Inter-barangay Darts Tournament didto sa Kokodine duol sa Plaza Independencia, ning siyudad.
Gipukan ni Montenegro ang karibal nga si Reyden Colina, 2-1 sa championship match.
Si Rodmar Branzuela miangkon sa ikatulo nga dapit, samtang si Roniel Pedroza nalandig sa ikaupat.
Mi-okupar gikan sa ikalima hangtod sa ikawalo nga dapit mao sila si Wennie Ocañada, Caloy Narita, Jomar Amerol ug Ronaldo Cadorna.
Sa laing bahin, ang final sa youth division himuon ugma.
Ang awarding ceremonies sa mga mananaog sa tanang kategoriya himuon sab ugma didto gihapon sa Kokodine sa alas-4 sa hapon human sa duwa sa youth category. (BANAT SPORTS)