High-tech ang mouth guard

Mogamit og high-tech ug modernong klase sa mouth-guard si Manny Pacquiao nga maoy iyang gamiton sa iyang pakigsangka ni Tim Bradley karong Hunyo 9 didto sa MGM Grand sa Las Vegas.

Si Dr.Ed dela Vega kinsa maoy midesinyo sa mouth-guard mituyo paghimo niini alang ni Pacquiao tungod usab sa peligro nga hugaw ang ipakita nga duwa ni Bradley. (LPM)

 Espinosa mitan-aw

sa training

Personal nga misaksi sa training ni WBO welterweight champion Manny Pacquiao ang kanhi two-division world champion nga si Luisito Espinosa didto sa Wild Card Gym sa Los Angeles.

Si Espinosa nahimong sama sa usa ka normal nga fan ni Pacquiao kinsa mibilib sa talagsaong kapaspas og kusug nga gipakita sa eight-division world champion atol sa training. (LPM)

Roach mibiya una

sa Wild Card

Gibiyaan una ni Hall-of-Famer trainer Freddie Roach ang iyang ‘prized fighter’ nga si Manny Pacquiao aron mutambong sa iyang taping sa usa ka documentary.

Mubalik ra hinuon dayun si Roach kinsa kasamtangang gihulipan ni assistant trainer ug suod nga higala ni Pacquiao nga si Buboy Fernandez. (LPM)