CEBU, Philippines - Sugdan na karong adlawa ang semifinal round sa 6th Congressman Red Durano VI Basketball Cup didto sa Carmen Multi-purpose Gym.
Mga koponan nga nasulod sa semis mao ang team gikan sa Liloan, Sogod, San Francisco/Camotes ug Danao City.
Ang upat ka teams mopailawom ngadto sa single round-robin series diin ang top two teams maoy mag-ilog sa korona, samtang nahabiling duha ka teams magsangka alang sa ikatulong puwesto.
Unang magsangka mao ang Liloan ug Sogod sa alas-6 sa gabii, sundan sa San Francisco ug Danao sa alas-8 sa gabii.
Ang championship himuon karong Sabado didto sa Danao City Civic Center. - BANAT NEWS