Ang Tibay midaog na sab sa Power 40

CEBU, Philippines - Nihipos na og duha ka daog ang Ang Tibay team human nila gipilde ang Alfa Marketing sa Power Forty President’s Cup basketball tournament didto sa Inayawan Sports Complex.

Sa sayo pa, nakarekober dayon ang Jenjic Commando human mapukan sa ilang debut pinaagi sa pagpilde sa Allyn & Sons.

Si Fernando Sumargo maoy nangu sa Ang Tibay dihang miposa siya’g 24 puntos, samtang sila si Rey Mabalcon ug Eddie Gaviola nagkumboya og 26 puntos alang sa ilang 2-0 nga baraha. 

Ang 0-2 nga Alfa Marketing   gipangulohan nilang Macmac Navares ug Allan dela Rama kinsa miburak og 25 ug 24 puntos matag usa.

Sa laing bahin, nagmangtas si Joel Cañete diin miposa kini'g 31 puntos aron pangulohan ang Jenjic, samtang ang Allyn & Sons gipangulohan ni Julyan Capala nga mipugas og 25 puntos, gisundan ni Rey Abarquez nga mitikdol og 21 puntos.

PUNTOS MATAG USA

Unang duwa:

Jenjic (95) - J. Canete 31, Tantay 23, Canete 12, Moniva 8, Dumale 7, Atillo 5, Cabatas 5, Navares 2

Allyn & Sons (91) - Capala 25, Abarquez 21, Caumeran 12, Lawas 8, Cabaluna 6, Javierto 6, Piezas 4, Pestano 2

Ikaduhang duwa:

Ang Tibay (85) - Sumargo 24, Mabalcon 14, Gaviola 12, Dejarme 8, Chiong 8, Dejacto 7, Nacario 7, Gabuya 6, Samson 2

Alfa Marketing (81) - Navares 25, Dela Rama 24, Labalan 14, Sabejon 8, Flordeliza 4, Sandal 4  (BANAT SPORTS)