MANILA, Philippines - Nalusutan ng MICAH Medical Clinic-Parola Maritime ang 100plus, 96-95 upang masolo ang liderato sa paglista ng kanilang ikalawang sunod na panalo sa 2011 MBL Corporate Cup basketball championship sa Lyceum gym sa Intramuros, Manila.
Sumandig ang Micah sa pagkabayani ni Mark Lagrimas sa huling minuto ng sagupaan matapos kumulapso ang inilatag na 20-point lead sa panimula ng first quarter patungo sa final canto, at iselyo ang ikalawang sunod na panalo sa annual tournament na suportado ng Ironcon Builders, Cebuana Lhuillier, WG Diner, PRC Couriers at Manila Sports Council.
Kumana si Lagrimas ng undergoal stab nang makawala sa kanyang bantay may 18 segundo na lang ang nalalabi sa laro.
Sa sumunod na play, tinangkang ipanalo ng dating San Beda-Alabang standout na si Champ Pujante ang laban ngunit sumablay ang kanyang pinakawalang tres kasabay ng pagtunog ng buzzer.
Micah-Parola 96--Cabangon 24, Lagrimas 18, Santiago 13, Simon 12, Laron 10, Rimando 6, M.Sanchez 6, Lazaro 2, Dela Cruz 2, Aqualaful 2, S.Sanchez 2.
100plus (95) -- Pujante 22, Hasal 10, Tungcul 10, Balmaceda 8, Sonsona 8, Rivera 7, Scott 6, Divinagracia 6, Balgona 6, Gustillo 5, Yulo 4, Tan 2.
Quarterscores: 24-16, 52-36, 78-58, 96-95.