CEBU, Philippines - Mikulit og laing daog ang Lexmark Stallions ug ang Supportsave Dragons dihang ilang gipilde ang tagsa-tagsa nilang kaatbang sa nagpadayong elimination round phase sa Cebu Powerade E-Leagues Basketball Tournament 2011 didto sa City Sports Club-Cebu gym sa Cebu Business Park.
Ang Lexmark walay kukaluoy nga milubong sa Xlibris sa iskor nga 95-35.
Sa halftime, nakapanemaho ang Lexmark sa ilang sayong kadaugan human kini milabaw og 14 puntos. Ang Lexmark nga wala makontento, milusad og 31-6 run sa third aron inaton pa ang labaw, 68-29 ug ang Xlibris wala na makarekober pa sukad niadto.
Si Seigfred Ofonda maoy topscorer sa Lexmark nga mipabuto og 23 puntos, samtang sila si Nell Armamento ug Roy Joseph Lanzadera parehong midukdok og 11 puntos. Si Violeto Tan Jr. nga mikadlit og 15 puntos mao sab ang nangu sa pilderong Xlibris.
Sa laing duwa, ang Supportsave yano sab mikulit og daog batok sa Kyocera Frontiers sa iskor nga 50-37 sa pagpangu ni John Hatague nga milansang og 16 puntos.
Puntos Matag Usa
Unang duwa:
Lexmark (85) – Ofonda 23, Armamento 11, Lanzaderas 11, Quimno 8, Ariate 6, Cipriano 6, Cleopas 6, Perez 6, Balansad 4, Talan 4
Xlibris (35) – Tan V. 15, Go Bui 7, Shimada 6, Colmenares 3, Caniga 2, de Asis 1, Muelle 1
Ikaduhang duwa:
Supportsave (50) – Hatague 16, Blanes 8, Bantilan 6, Javier 5, Paradiang 5, Patiluna 4, Gevera 2, Moreno 2, Perez 2
Kyocera (37) – Uy 16, Baliling 6, Godinez 4, Cabiles 3, Cabarrubias 2, Dy 2, Luzares 2, Sy 2 (BANAT NEWS)