CEBU, Philippines - Gilihian og daog ang team MN’GIA pinaagi sa pagpukan sa Purcia, 53-48 sa pagbukas sa 1st Pacific Grand Villa Homeowner Association, Inc. (PGVHAI)-Purcia summer basketball tournament didto sa subdivision’s basketball court.
Sa laing bahin, ang ANAD Partylist nidaog sab batok sa Alvic sa usa gihapon ka low-scoring ballgame, 47-42.
Ang MN’GIA mihimo’g balanseng opensa ug maayong pagka-katag ang ilang mga puntos itandi sa Purcia nga gipangulohan ni Gilbert Purcia Jr.
Si Loloy Laniba maoy bugtong player sa MN’GIA nga mi-iskor og double figures sa iyang 10 puntos. (BANATSPORTS)