Dalaguete sportsfest sudan na

CEBU, Philippines - Usa ka basketball exhibition game tali sa showbiz personalities ang mobukas sa tinuig nga sportsfest sa lungsod sa Dalaguete karong adlawa didto sa Dalaguete Sports Complex.

Ang maong sportsfest usa sa mga highlights sa kapistahan sa ilang mahal nga patron San Guillermo karong Pebrero 10.

Ang mga beteranong aktor nga sila si Philip Salvador ug Christopher de Leon maoy mobida sa exhibition game.

Moduwa usab ang mga batan-ong artista sama nila ni Jason Abalos, Marco Alcaraz, Olympian, Joko Diaz, Joross Gamboa, Carlos Morales, Gene Padilla, John Hall ug ang kanhi boksidor Onyok Velasco.

Molingaw usab sa mga molupyo sa Dalaguetnon ang mga Baywalk Bodies nga sila si Jeanette Joaquin ug Pantene Palermo.

Ugma, magginukdanay ang mga elite ug fun runners sa Tri-Centennial Run.

Gawas sa basketbol ug lumba sa dagan, ang Dalaguete mo-host sab og motocross ug professional boxing. (BANATSPORTS)