Ryle Trucking kampiyon na
CEBU, Philippines - Namunga ang mga paningkamot sa Ryle Trucking dihang ilang gilangkat ang korona sa Camella Homes Phase Sunday Club basketball tournament didto sa Villas Magallanes gym sa Lapu-Lapu City.
Ang Ryle Trucking sa paggiya nilang Sanchez ug Centes Brañanola mipaluhod sa mortal nga kaatbang Rollway Freighters sa iskor nga 123-114.
Si Sanchez nga maoy MVP milansang og 31 puntos, samtang si Brañanola midukdok og 30 puntos, samtang si Amay Palad mitimbre og 23 puntos.
Suwerte gyud ang Ryle Trucking kay human sila malubong og 13 puntos, 50-63 sa halftime, nakarekober kini sa third period human nila na-outscored ang Rollway, 30-13 aron pagposte og kuwatro puntos nga bentaha, 80-76 paingon sa final period.
Si Wendell delos Angeles miabuno og 25 puntos, samtang si Oyanib misansan og 11 puntos alang sa Ryle Trucking nga mibulsa og P10,000 nga ganting salapi gikan ni Rolly dela Pieza sa ilang paghari sa maong liga.
Ang runner-up nga Rollway Freighters gipangulohan ni Allen Dinola, kinsa mitira og 35 puntos, gisundan nilang Alvin Ocon ug D. dela Pieza nga mitimang og 24 puntos matag usa.
Puntos Matag Usa
RYLE TRUCKING (123) - Sanchez 31, Brañanola 30, Delos Angeles 25, A. Palad 23, Oyanib 11, J. Palad 4, Regner 4, Dela Pieza 2, Delan 2
ROLLWAY FREIGHTERS (114) - Dinola 35, D. Dela Pieza 24, Ocon 24, Albeos 21, Regala 8, Andrino 7, Micabalo 5, Abel 2, Omega 2, R. Dela Pieza 2. – BANAT NEWS
- Latest
- Trending