CEBU, Philippines - Ang Cebu City Sports Commission (CCSC) molusad og laing physical fitness activity pinaagi sa aerobics wellness program karong alas-4 sa hapon diha sa Sambag 2 Sports Complex.
Ang aerobics naglatid og Zumba, ang kombinasyon sa nagkalain-laing disiplina sama sa boxing, kickboxing, hiphop ug uban pa.
Bukas kini sa tanan, kinsa mosuway sa labing moderno sa natad sa aerobics.
Ang usa ka adlaw nga kalihukan pagadumalaon sa US-trained aerobics instructor uban ni CCSC commissioner Ryan Aznar. – BANAT NEWS