Umaatikabong semifinals match hahataw ngayon sa Shakey's V-League
MANILA, Philippines - Matapos ang dalawang round at 12 laro, apat na koponan na lamang ang natitirang maglalaban-laban para sa prestihiyosong kampeonato ng ikalawang conference ng Shakey’s V-League Season 7.
Unang magpapangbuno ang nanguna sa pagtatapos ng quarterfinals na San Sebastian College- Recoletos at ang number four na Far Eastern University sa alas-2 ng hapon habang maghaharap sa main event ang pumangalawang Adamson University at ang pumangatlong Lyceum sa alas-4 para sa pagsisimula ng best-of-three semifinals series ng season-ending conference ng V-League.
Noong Linggo, kinumpleto ng Lady Tamaraws ang four-team semis nang kanilang matakasan ang Ateneo De Manila sa kanilang knock out match para sa huling upuan sa susunod na bahagi ng torneo.
Tinapos naman ng Lady Stags ni coach Roger Gorayeb at ng Lady Falcons ni coach Minerva Dulce Pante ang eliminasyon at quarters sa una at ikalawang puwesto, ayon sa pagkakasunod habang pumuwesto sa ikatlong puwesto ang Lyceum matapos bumangon sa quarterfinals sa kanilang pagtatagumpay sa kanilang mga huling dalawang asignatura.
- Latest
- Trending