MANILA, Philippines - Pinangunahan ni Simon Losiabol ang men’s 10-kilometer run sa Looney Tunes Active Fun Run-Cebu, habang pinagreynahan naman ni Mary Grace delos Santos ang women’s side sa SM City Cebu.
Inungusan ni Losiabol sina Wendel Lopez at Elmer Bartolo, samantalang tinalo ni delos Santos sina Mary Joy Tabal at Merlyn Alin sa event na inorganisa ng Warner Bros. Consumer Products (WBCP) sa pamamagitan ng Philippine agent nitong Global Brands Group.
Pinamahalaan naman nina Leodan Morales at Milette Chiongbian ang men’s at women’s 5km race, habang sina Roy Villahermosa at Nao Idio ang nagbida sa 3km run.
Samantala, pinamunuan nina Chris Comendador at Junessa Atillo ang labanan sa 1.5 km race para sa mga batang may edad na 10-12-anyos at nangibabaw naman sina Leo Maquiling at Natasha Ceniza sa 1km run para sa 8-9-anyos category.