Alagad ni Engkoy mitusod sa Bubble Gum

CEBU, Philippines - Nagsinukdanay sa ilang katakus ang finalists sa usa ka non-bearing game diin ang Alagad ni Engkoy miugkat og daog batok sa Bubble Gum sa nagpadayong Pulpogan Motorcycle Operators and Drivers' Association (PMODA) basketball tournament didto sa barangay Pulpogan covered court sa Pulpogan, Consolacion.

Ang Alagad ni Engkoy maoy top seed nga wala makatilaw og pilde sud sa tulo ka duwa, samtang ang Bubble Gum adunay 3-1 win-loss record.

Sa laing duwa, ang Moymoy Palaboy naka-ipsot batok sa Center of the Sun sa iskor nga 73-71. Ang duha mao sab ang magtigi alang sa ikatulong dapit. 

Sila si Amay Cabilan ug Roland Yamelo parehong mi-iskor og 11 puntos aron pangulohan ang Alagad ni Engkoy, samtang si Ame Mision mao sab ang nangulo sa napildeng Bubble Gum sa iyang 14 puntos, gisundan ni Joseph Lleve nga adunay 10 puntos.

Sa laing bahin, sila si Jorge ug Roger Blanco, Etot Ortiz ug Luther Hopida ang mi-iskor og double-figures aron hatagan og daog ang Moymoy Palaboy.

Si Chela Personal mi-iskor og 14 puntos, samtang sila si Dennis Osable ug Marlon Visda mitampo og 10 puntos matag usa alang sa Center of the Sun.

Ang torneyo sa PMODA nahimong posible tungod sa pagpaluyo sa Pulpogan barangay council ubos ni Kapitan Roy Linaboc ug barangay councilor Arlene Tongco.

PUNTOS MATAG USA

Unang duwa:

Alagad ni Engkoy: (60) - Cabilan 11, Yamelo 11, Bangkal 8, Abapo 7, Gerona 7, Ardiente 4, Branzuela 3, Hoybia 2, Bugtai 2, Castillo 2, Romero 2, J. Ardiente 2

Bubble Gum: (56) - Mision 14, Lleve 10, Lopez 8, Rosal 6, Cana 6, Ascarez 6, Tesada 4, Villamor 4, Rojas 2

Ikaduhang duwa:

Moymoy Palaboy (73) - J. Blanco 16, Ortiz 10, Hopida 10, R. Blanco 10, Tambis 8, Tampus 7, Eskat 6, Talingtong 6

Center of the Sun (71) - Personal 14, Osabel 10, Visda 10, Camahalan 8, Camay 7, Guaca 6, Diaz 6, Intoy 6, Denda 4   (BANATNEWS)