CEBU, Philippines - Gilat-an og maayo sa MP Pimentel Customs Brokerage ang RLM Five, 80-55 aron pagposte og 3-2 nga baraha sa Lapu-Lapu Basketball League didto sa Lapu-Lapu Sports Complex.
Naglabaw na silang daan og diyes puntos sa halftime, 34-24 ug napilit ang maong labaw paghuman sa third period, 51-41. Diha na nila banati ang RLM sa fourth period pinaagi sa ilang 29-14 nga rally.
Ang ex-USP Panther nga si Dennis Pajares maoy nangulo sa Pimentel Brokers nga mibugha og 15 puntos, si Francis Pancho midugang og 10 puntos. Sila si Charlie Duran ug Talyo Senerpida parehong miposte og 10 puntos aron pangulohan ang RLM, kinsa nagkupot og 1-4 nga baraha.
PUNTOS MATAG USA
MP Pimentel (80) - Pajares 15, Pancho 10, Foronda 10, Bensi 10, Casipe 7, Radores 7, Paje 6, Ugsang 6, Casinillo 5, Bacang 2, Pangue 2
RLM (55) - C. Duran 10, T. Senerpida 10, B. Senerpida 8, P. Duran 7, Hoyle 6, Oppus 5, Metro 5, Chavez 4. (BANATNEWS)