Consolacion Fiesta Basketball Cup buksan karong Domingo

CEBU, Philippines - Sa makausa pa, ang molupyo sa Consolacion makasaksi na sab og duwa sa basketbol matag gabii sa pag-ulbo unya sa Fiesta Basketball Cup karong Domingo diha sa Consolacion Sports Complex.

Ang duha ka bulan nga kompetisyon naglatid sa ABC/SK ug Inter-High School divisions.

Ang ABC/SK category pagasalmotan sa 21 ka barangays nga gibuak ngadto sa pito ka clusters.

Ang mga partisipanteng koponan uban sa ilang tagsa-tagsa ka Sangguniang Kabataan (SK) chairpersons mao ang Tugbongan (Ella Mae Mendoza), Nangka (Jeoffrey Leff Pascua) ug Poblacion Oriental (Jon Haniel Abinales) alang Cluster I, Tayud (Therese Anne Soco), Jugan (Joy Semblante) ug Pitogo (Madel Hyacinth Herrera) alang sa Cluster 2 ug Tilhaong (Lovebel Talisic), Lamac (Philip Noe Perez) ug Cansaga (Christopher

Mari Sapio) alang sa Cluster 3.

Naglangkob sa Cluster 4 mao ang Poblacion Occidental (Mae Ausifas Mangubat), Danlag (Mary Frairose Gier) ug Pulpogan (Aileen Osabel), Cabangahan (Michelle Ann Sabrido), Panoypoy (Joel Padayogdog) ug Panas (Jenus Cenarlo) sa Cluster 5, samtang ang Casili (Jennifer Jakosalem), Sacsac (Marjorie Bartin) ug Tolo-tolo (Joan Herbieto) maoy nag-uban ubos sa Cluster 6.

Ang Cluster 7 gilangkuban sa Lanipga (Cheryl Gerebese), Pulog (Era Mae Cogay) ug Garing (Jaffy Abamonga).

Sa laing bahin, 10 ka teams ang magsangka ubos sa Inter-High School category nga naglakip sa Consolacion NHS, Jugan, Pulpogan, Tayud, Garing, Lanipga, Tugbongan, Nangka, Cabangahan ug Tolo-Tolo.

Ganting salapi, medalya ug tropeyo ang nagpaabot sa top performing teams niini nga torneyo nga gipaluyohan sab ni Association of Barangay Council (ABC) president Analee Gungob ug Sangguniang Kabataan Federation (SKF) president Madel Hyacinth Herrera sa barangay Pitogo.