Gillete, Queensland daog sa Atan Guardo Cup

CEBU, Philippines – Gilat-an sa Gillete ug Queensland Stallions ang tagsa-tagsa nilang kaatbang sa 2009 University of San Carlos Boys High Alumni Basketball Association (USCBHABA) Atan Guardo Barkadahan Cup didto sa USC-North Campus gym.

Gipanitan sa Gillete ang Orofer, 108-88, samtang ang Stallions milubong sab sa Batch '91 sa iskor nga 96-81.

Si kanhi pro star nga si Lou Regidor mitarok og tournament-high 41 puntos, si Jone Sepe miligwat og 18 puntos ug si Roy Aznar misansan og 17 puntos alang sa Gillete, kinsa miposte og 20 puntos nga bentaha paghuman sa unang-duha ka kuwarter, 54-34 nga nakapaluya sa Orofer.

Ang Gillete padayong nikontrolar sa nahabiling duha ka kuwarter dayon na pag-ugbok og 20 puntos nga kadaugan.

Sa laing aksiyon, ang Stallions mipakita sab sa ilang kamangtas sud sa korte gikan sa pagsugod hangtod sa paghuman sa duwa aron pagtangag og 15 puntos nga kadaugan.

Ang USCBHABA season gipaluyohan sab sa Uniherb Philippines, usa sa nag-unang health companies sa nasud nga tiggama sa nabantog nga food supplements sama sa Arthro, Kidneycare, Heartvit, Diabet, Eyeberry, Athan, Slima ug Hardman.

Puntos Matag Usa

Unang duwa:

Gillete (108) - Regidor 41, Sepe 18, Aznar 17, Mercado 12, Zozobrado 11, Ramos 9

Orofer (88) - Javines 23, Mina 23, Canabano 16, Villamor 10, Enriquez 5, Madrona 4, Montalvo 4, Panal 3

Ikaduhang duwa:

Queensland (96) - Alcarde 26, Villamor 21, Rosito 20, Cahibaybayan 15, Osorio 5, Capili 4, Rama 4, Perez 1

Batch '91 (81) - Patindol 26, Alonte 15, Toledo 14, Arong 10, Salgado 7, Salome 6, Suico 6 – BANAT NEWS