CEBU, Philippines – Gidominar sa Deep Recon ang Cebu leg sa Filipino Airsoft Championships niadtong weekend didto sa Ramon Durano Sr. Memorial Sports Complex sa dakbayan sa Danao.
Ang Deep Recon nga kasagaran gilangkuban sa mga maayong laki sa airsoft gikan Lapu-Lapu ug Mandaue nag-alayon aron maangkon ang kadaugan uban ang kinatibuk-ang 850 puntos.
Ang Mandaue Airsoft Group, usa sa paborito nga modaog sa korona ning maong kompetisyon nga gipaluyohan ni Congressman Red Durano, nahimutang sa ikaduhang dapit nga adunay 750 puntos, gisundan sa Team Yawkoy sa ilang 550 puntos.
Gibuligan sab og suwerte ang tulo ka teams -- Crack Legion, S.A.A.T. ug C.A.S.T. kay moduwa man sila sa Visayas finals sunod bulan dinhi gihapon sa Sugbu.
Ang Black Aces ug NSW8 pakyas pag-angkon og pasaporte alang sa sunod nga aksiyon, apan aduna kini ikapasigarbo. Ang Black Aces midaog sa Sportsmanship award, samtang ang NSW8 midaog isip best in loading bearing. – BANAT NEWS