CEBU, Philippines - Mirakrak og 28 puntos si Frankie Capangpangan ug si Roy Carl Veloso mipabuto og 25 puntos aron pangulohan ang Criminal Intelligence and Investigation Bureau (CIIB) paglubong sa Park ‘N Go Bakeshop, 92-79 sa nagpadayong F. Llamas Youth Association (FYA) 1st Vice Mayor Mike Rama Cup didto sa Vicente Sotto Memorial Gym sa barangay Punta Princesa, ning siyudad.
Sila si Carl Rama, Kevin Camacho ug Rocky Bas parehong miposte og 13 puntos alang sa Park N' Go.
Sa laing duwa, ang Jayra Team midaog pinaagi sa default batok sa Viking Haulers, kinsa aduna lamang pito ka players ang mibutho.
Sa wala pa ang duwa sa FYA, ang Mactan Hotmen ni coach Dacky Ugay mitumab sa Team Pacman ni Jingjing Rama pinaagi sa pag-iskor og 93-92 nga kadaugan sa exhibition game nga gidaog lang pinaagi sa free throws ni Arnel Factor.
Si Jumie Ararao adunay 17 puntos alang sa Hotmen, samtang ang kanhi-UC Webmasters pointguard nga si Kenneth Kern Sesante miamot og 12 puntos.
Ang kanhi USC Warrior nga si Leon Floro Eleazar mibahog og 33 puntos alang sa Pacman, gisundan ni UV Lancer Rene Toring sa iyang 25 puntos ug Christopher Rama nga adunay 16 puntos.
Ang FYA 1st Vice Mayor Mike Rama Cup gipaluyohan sab ni Punta Princesa barangay captain Rolly Diorico ug barangay councilor Ray Salgado. Si Boy Atillo mao ang tournament chairman.
Puntos Matag Usa
Unang duwa:
CIIB (92) - Capangpangan 28, Veloso 25, Maglinte 15, Ybañez 6, Plasus 5, Aldemita 4, Bugtai 3, Maucesa 2, Quita 2, Dignos 2
Park N' Go (79) - Rama 13, Camaho 13, Bas 13, Gaviola 12, Enriquez 10, Escalona 8, Añasco 3, Bucog 3, Osorio 2, Lumapguid 2
Ikaduhang duwa: (Exhibition)
Mactan (93) - Ararao 17, Tacocong 16, Factor 16, Alano 16, Sesante 12, Ruiz 10, Clavano 4, Ambrad 2
Team Pacman (92) - Eleazar 33, Toring 25, C. Rama 16, Roy 6, Panewrio 6, Suarez 4, J. Rama 2. – BANAT NEWS