First Talisay Run mosikad karong adlawa

CEBU – Gatusan ka mga karerista gikan sa nagkalain-laing clubs ang mag-abot karong alas-6:00 sa buntag alang sa gikahinamang 1st Talisay Run.

Ang maong lumba nga gipasiugdahan sa Kabangis Runners club sa syudad sa Talisay nga gipangulohan sa beteranong runner nga si Ed Canton uban sa chairman sa Talisay City Sports Commission nga si Hon. Rodi Cabigas, gilangkuban sa 3K, 5K ug 10K division.

Si Talisay City Mayor Socrates Fernandez mao mismo ang mopabuto sa starting gun isip timaan sa pagsugod sa lumba nga manukad sa atubangan sa Talisay City hall.

Ang mga mugawas nga mananaug sa 5K ug 10K division makadawat og tropeyo ug mga medalya.

Ang 1st Talisay Run gisuportahan ni Sen.Chiz Escudero uban ang Smart Communication, Nature’s Spring, Cebu Sizzlers Chicken Roast, Atan Guardo, Golden Oats ug Vicky Marketing. (Lemuel P. Maglinte) (BANAT NEWS)