Tumong karon sa Team Cebu City’s Under-15 football squad ang pag-usab sa ilang kalamposan sa miaging tuig dihang miabante sila sa final round sa 3rd Philippine Olympic Festival kagahapon didto sa Cagayan de Oro, City.
Ang Team Cebu nagkinahanglan lang og usa ka tabla kontra sa Negros Occidental aron malabni niini ang kampiyonato sa under-15.
Ang Team Cebu adunay 3-0 win-loss nga baraha, samtang ang Negros Occidental nagtangag og duha ka daog uban ang usa ka tabla.
Sa karatedo, gisakmit sa Team Cebu ang upat ka gold, duha ka silver ug duha ka bronze. Ang swimming team mitapos sa ilang kampaniya nga nibingwit og 15 golds, 10 silvers ug 12 bronzes sa Philippine Amateur Swimming Association (PASA) events.
Sa iyang bahin ang produkto sa University of Cebu nga si Noel Caneda mipahiluna usab sa first place dihang mirehistro kini og 2,267 points sa 17-under boys IMX sextathlon, samtang ang garbo sa Cebu Eastern College’s Lyh Ann Navarro nanghawod sa under-9 pentathlon dihang mikulit kini og 1,258 FINA points sa under-9 pentathlon.
Wala usab magpauwahi si Anthony Linn Navarro kinsa mikulit og laing rekord sa 10-under backstroke sa oras nga 1:24.74. Laing Cebuana bet nga si Maria Christina Redina, nidaog usab og bulawang medalya sa under-48 kgs. sa powerlifting.