Naglaraw karon ang kanhi higante sa PBA nga si Bonel Balingit sa pagpadayon ug laing career isip novelty singer inay mopadayon sa pagduwa ug basketball.
Si Balingit nga kanhi player sa University of the Visayas (UV) Green Lancers ug nakaduwa sa Swift Mighty Meaty sa PBA sa wala pa siya boluntaryong miretiro, nagkanayon nga gusto na lang siya'g magtukod ug banda ug mag-sie line ug negosyo diin naa karon siya'y giendorsar nga haplas nga hinimo gikan sa 22 ka matang sa tanom o herbal oil.
Matod pa ni Balingit nga dugay na siyang naglaraw nga magtukod ug banda nga pagasalmotan nilang Zaldy Realubit, Ato Bolado ug EJ Feilh. Si Realubit nga kanhi plaeyr sa USJR Jaguars, nakaduwa sab sa Swift Mighty Meaties ug lumad nga taga Nasipit, Agusan del Sur.
Si Balingit ug Realubit nakatukar na sa banda didto sa Bahrain ug sa samang paagi, nagsige sab sila'g duwa sa ilang kompaniya nga ilang gitrabaho-an didto.
Gawas pa niana, naglaraw sab siyang mopadayon sa iyang pagka-artista diin naakhimo na siya niini didto sa Manila.
Si Balingit nga gitawag ug "the gentle giant" sa Kapatagan, Lanao del Sur, gusto sab nga maghimo ug programa sa television nga nag-ulohan ug "Sports, Enternatiment ug Uban Pa" alang sa INTV-CCTN.