Andam pa gihapon ang 10th Time Out Summer Basketball Clinic nga modawat og mga tinun-an alang sa second batch (advanced level) nga gisugdan na diha sa Cebu Coliseum.
Ang usa ka buwan nga summer clinic bukas niadtong mga batan-ong babaye ug lalaki kinsa nag-edad og 13 hangtod sa 17 anyos nga nangandoy nga mamahimong basketbolista.
Ang entry fee nagkantidad og P1,200 lakip na ang basketball ug training uniform.
Alang sa registration ug uban pang mga kasayoran, tawag o text sa 0916-4534639.
Aron pagseguro og kalidad nga training, si training camp director Rex Salvaña, ang assistant coach sa Cebu Gems sa nabungkag nga Metropolitan Basketball Association (MBA) mikuha sa serbisyo sa mga banggiitang coaches nga mo-abag sa pagpadagan sa maong summer clinic.
Gikuha ni Salvaña mao sila si Reggie Licanda, ang head coach sa University of Cebu (UC) Junior Webmasters, Opel Abellana, kinsa mao karon ang chief bench tactician sa University of San Carlos (USC)-South Campus ug si kanhi pro-star Teroy Albarillo.