Tulo sa lima ka bulawan ang nahakot sa University of Cebu (UC) judokas sa 2nd Cebu City All-Whitebelt Judo Championships sa miaging semana sa Robinsons Place Cebu.
Ang University of San Carlos Judo Club mikabkab og duha ka bulawang medalya.
Si Roselle Garciano unang mihakot og bulawan alang sa UC pinaagi sa pagpanghawod sa women’s -55 kg. category. Ang silver nakuha sa iyang teammate nga si Ma. Mila Flor Impis, samtang laing pambato sa UC nga si Cielo Saragena ang midaog sa bronze.
Sa pikas bahin, si Analyn ‘Ara’ Cabalquinto maoy nangulo sa laing sweep sa UC pinaagi sa paghari sa +55 kg. category. Si Joana Gelig maoy miangkon sa silver, samtang si Gladys Lesoy maoy mitiltil sa bronze.
Si Joel Aguapasa Jr. midaog sa katapusang bulawan sa UC pinaagi sa paghari sa men’s -72 kg. category. Ang silver napunta gihapon sa UC kortesiya ni Rey Bautro ug ang teammate niining si Ronest Agan maoy miangkon sa bronze.