Ibinigay ni Andrada ang kanyang irrevocable resignation bilang POC deputy secretary general at chairman ng membership commission noong Martes na nagsasaad ng "effective immediately."
Ang hakbang na ito ni Andrada ay hindi na sorpresa sa nakakarami dahil sa lumalaking bilang ng mga kritiko ni POC president Celso Dayrit.
Si Andrada ay kumampi na sa panig ni PATAFA chief Go Teng Kok na siyang lider ng mga kumakalas na miyembro ng POC na nagnanais na alisin sa puwesto si Dayrit.
"Wala na akong masyadong panahon. Marami akong trabaho with my (National Sports Association) NSA, especially now that I’m saddled with the additional job of rehabilitating and managing the Rizal Sports Club Complex," ani Andrada.
Ang nasabing pagbibitiw ay wala umanong sangkot na pulitika sa POC.