Paquiao at RP men's basketball team, panauhin sa PSA Forum

Sina World Boxing Council International superbantam-weight champion Manny Pacquiao at ang RP men’s basketball team ang panauhin bukas sa PSA Forum sa Holiday Inn.

Inaasahang tatalakayin ni Pacquiao ang kanyang nalalapit na laban kontra sa North Korean challenger na si Tetsura Senrima sa Pebrero 17 sa Yñares Sports Center sa Antipolo.

Pangungunahan naman ni national coach Boysie Zamar ang men’s basketball team na naghahanda para sa South East Asia Basketball Association (SEABA) tournament ngayong Marso at Southeast Asian Games sa Kuala Lumpur, Malaysia sa Setyembre.

Sa pagtataguyod ng McDonald’s, Red Bull at Agfa Color, ang pampubliko serbisyong programang ito ay magsisimula sa alas-10:30 ng umaga.

Pagkatapos ng Forum, idaraos ng PSA ang taunang election.